لوبې
د بنګه دیش سره د یو ورځنیو سیالیو نوملړ اعلان شو
د بنګله دېش کرکت لوبډلې پر وړاندې د یو ورځنیو نړیوالو سیالیو له پاره د افغان کرکټ لوبډلې نوملړ اعلان شو.
د افغانستان کرکټ بورډ د لوبغاړو غوراوي کمېټې پرون د بنګله دېش پر وړاندې د درې نړیوالو یو ورځنیو سیالیو د لوبلړۍ لپاره د افغان لوبډلې نوملړ په ډاګه کړ.
د مهالوېش له مخې به دغه سیالۍ د راتلونکې نومبر میاشتې په شپږمه نېټه د متحده عربي اماراتو په شارجه کرکټ لوبغالي کې پیل شي چې د همدې میاشتې تر ۱۱مې نېټې به دوام ومومي.
په دغه سیالیو کې د افغانستان پیلیز توپ وهونکی ابراهیم ځدراڼ او مجیب الرحمن شتون نه لري.
