لوبې
په کندهار کې د فوټبال سیالۍ د اتفاق خانزاده لوبډلې په اتلولۍ پای ته ورسیدې
کابل ټيليګراف (د مرغومې ۲۵مه– ۱۴۰۳ لمريز)
د افغانستان فوټبال فدراسیون اعلان وکړ چې د کندهار ولایتي فوټبال لیګ، چې د نهو لوبډلو په ګډون پيل شوی وو، د اتفاق خانزاده لوبډلې په اتلولۍ سره پای ته ورسید.
په دغه لوبو کې د نورزاد ځوانانو لوبډلې د اتلس نمرو په تر لاسه کولو دویم او د ایوب انصار لوبډلې د څوارلس نمرو په تر لاسه کولو دريم مقام تر لاسه کړ.
دغه لوبې چې دیرش ورځې یې دوام وکړ، په پای کې غوره لوبغاړو ته ډالۍ هم ورکړل شوې.
د نورزاد ځوانانو لوبډلې څخه بلال احمد د لسو ګولونو په وهلو سره د غوره ګول وهونکي او د اتحاد خانزاده لوبډلې څخه صابر احمد د سیالۍ غوره ګل کیپر په توګه وپیژندل شول.
