لوبې
افغان ابدالیان لوبډله د سیالیو په موخه عمان ته سفر کوي
افغان ابدالیان (افغانستان الف) کرکټ لوبډله د درویش رسولي په لوبډلمشرۍ نن سهار د عمان پر لوري روانېږي چېرې به چې د یاد هېواد پر وړاندې د دوه تمریناتي سیالیو ترڅنګ په یوه درې اړخیزه لوبلړۍ کې هم ګډون وکړي.
کرکټ بورډ په خپله فیسوک پاڼه لیکلي چې، په دغه سیالیو کې به د افغان ابدالیان کرکټ لوبډلې ترڅنګ کوربه عمان او هانګ کانګ کرکټ ملي لوبډلې هم ګډون ولري.
دغه راز به افغان ابدالیان لوبډله په درې اړخیزه لوبلړۍ کې له ګډون وروسته په ایمرجېنګ اسیا جام سیالیو کې هم برخه واخلي چې د اکټوبر میاشتې په ۱۸مه نېټه به په عمان کې پیل شي.
