سينما
نن د هندي سینما مشهور فلمي لوبغاړي شاهرُخ خان د زوکړې ورځ ده
د هندي سینما بالیووډ مشهور لوبغاړی او فلم جوړونکی شاه رخ خان ۵۹ کلن شو چې له ټولې نړۍ دده مینه والو نوموړي ته په سوشيل میډیا د زوکړې مبارکي ورکړې.
د شاه رخ خان د مینه والو لپاره نن ورځ له جشن څخه کمه نه ده.
د نړۍ په ګوټ ګوټ کې د فلمونو مینه وال د شاه رخ خان سره د لیونتوب تر حده مینه لري.
د بالیووډ صنعت ته له دریو لسیزو راهیسې د لسګونو فلمونو له ورکولو سره سره د شاه رخ خان فلمي سفر نن هم دوام لري.
په زرګونو خلک د شاه رخ خان د خندا ډکه موسکا، د ځانګړو لاسونو اشارو او خوندور ټوکو سره مینه لري.
د سینما په اړه د خبرونو خپرونونکي ‘فلم بیټ’ د راپور له مخې، په ممبۍ کې د شاه رخ خان د استوګنې ځای له تېرې شپې راهیسې په څراغونو سینګار شوی دی.
تېره شپه په د نوموړي په کور کې یوه شخصي محفل هم ترسره شوی، چې د شاه رخ خان کورنۍ او نږدې ملګرو یې پکې ګډون کړی و.
