د کرکټ ملي لوبډلې په پنځوس اوریزه سیالۍ کې د بنګله دېش ملي لوبډلې ته د ۹۲ منډو په توپير ستره ماتې ورکړه.

افغان اتلانو د بنګله دېش پر وړاندې لومړۍ یو ورځنۍ لوبه کې د خپلو ټولو لوبغاړو په زیان سره ۲۳۵ منډې جوړې کړې او سیالې لوبډلې ته یې د ۲۳۶ منډو هدف وټاکه.

د افغان لوبډلې په ګټه محمد نبي غوره توپوهنه وکړه او ۸۴ منډې یې جوړې کړې، دغه راز لوبډلمشر حشمت الله شهیدي ۵۲ او ننګیال خروټي ۲۷ چټکې ناسوځېدلې منډې جوړې کړې.

د افغانستان کرکټ ملي لوبډلې د خپلو ۲۳۵ منډو په خورا ښه توګه دفاع وکړه او له یوې په زړه پورې توپ اچونې وروسته یې په لومړۍ نړیواله یو ورځنۍ لوبه کې سیالې بنګله دېش لوبډلې ته د ۹۲ منډو په توپیر ستره ماتې ورکړه.