لوبې
په خوست کې د معلولیت لرونکو ترمنځ د کرکټ سیالۍ پيل شوې
د خوست او ننګرهار د معلولیت لرونکو وګړو د کرکټ لوبډلو ترمنځ شل اوریزې سیالۍ پیل شوې.
د خوست کرکټ امریت په کوربه توب د ننګرهار او خوست معلولیت لرونکو وګړو د لوبډلو ترمنځ د دریو شل اوریزه سیالیو لوبلړۍ د جمعې په ورځ د خوست پر رحمت ولي مسرور کرکټ لوبغالي پیل شوه.
یادې سیالۍ چې د افغانستان د معلولیت لرونکو وګړو ملي لوبډلې د پخواني لوبغاړي شهید محمد اشرف عرب په نوم نومول شوې، د روانې نومبر میاشتې تر ۲۵مې نېټې پورې به دوام ومومي.
