په دیلجیت دوسانج ګوزار کونکی له څه ډول غبرګون سره مخ شو؟
د هندي سینما بالي اووډ ستوری او سندرغاړی دلجیت دوسانج که څه هم دده د بې ساري پرمختګ له امله نومړی همیش د خبرونو د سر ټکی وي خو دا ځل یو بل څه لامل شول چې دی یې د خبرونو د سر ټکی کړو.
ان ډي ټلویزون د ددغه پيژندل شوي سندرغاړي په اړه یو ویډيوي راپور خپور کړی چې پکې ښکاري، دیلجیت دوسانچ په پاریس کې د کنسرت پر مهال د پروګرام د ګډونوالو څخه یو یې په نومړي د مبایل ګزار کوي.
دغه ویډيو چې په سوشیل میډيا کې هم ډيره خپره شوې، په عکس العمل کې دیلجیت په ده وار شوی مبایل را اخلي او یاد کس ته یې په ډیر دروناوی سپاري.
د مبایل د سپارلو پر مهال نومړی یاد شخص ته په خندا وایي: دا خپل مبایل دې درسره کیده پاجي.
د دغه سندرغاړي او فلمي ستوري یاده کړنه په ټوله نړۍ کې د خلکو له خوا ستایل شوې او یاده کړنه یې د نومړي لويي بللې ده.
دیلجیت دوسانج له څه وخت راهیسې د دل لومناتی په نامه د موسیقۍ سفر پیل کړی چې په مختلفو هیوادنو کې پلان شوی وو، تمه ده چې دا سفر په ډير زر په هندوستان کې هم پیل شي، چې لومړی کنسرټ به یې په ۲۶ اکتوبر د جواهر لال نهرو په لوبغالي کې وشي او ورسته به حیدر اباد، لکنو، پونا، کلکته، بنګلور، اندور، چندي ګړ او ګواهټي کې هم په نوبت ترسره شي.
