سوشیل میډیا لاس په لاس شوې ویډيو: رنبیر کپور په انځور اخیستونکو غوسه کړې
د هندي سینما بالیووډ پيژندل شوي فلمي لوبغاړي رنبیر کپور یوه ویډیو خپره شوې چې پکې هغه انځور اخیستونکي ته سخته غوسه کوي.
د این ډي ټي وي د راپور له مخې، پیښه د جمعې په شپه هغه مهال وشوه کله چې رنبیر کپور عالیه بټ مور سوني رازدان د کلیزې په جشن کې له ګډون وروسته له خپلې میرمنې عالیه بټ سره رستورانت ته روان و.
په ټولنیزو رسنیو کې په یوه ویډیو کې رنبیر کپور لیدل کیږي چې د مهیش بټ تندی ښکلوي او له رستورانت څخه د وتلو دمخه د یو بل سره خبرې اترې کوي.
په لاس په لاس شوې ویډیو کې رنبیر کپور بیا د عالیه بټ سره د موټر په لور د تګ پر مهال عکس اخیستونکو ته په ښکاره غوسه ښکاري.
عالیه بټ د جمعې په ورځ په ټولنیزې رسنۍ انسټاګرام کې خپلې مور ته د هغې د کلیزې مبارکي ورکړې.
د خپلې مور سره په شریک شوي عکس کې، عالیه بهټ په کیپشن کې لیکلي، ‘میری کول کاینات پیاری اما، کلیزه دې ډيره مبارک شه.
هیره دې نه وي چې رنبیر کپور او عالیه بټ د سنجي لیلا بنسالي په راتلونکي فلم “مینه او جنګ” کې په شریک کار بوخت دی.
په دغه فلم کې به ددوی تر څنګ ویکي کوشل هم وي.
‘مینه او جنګ’ به د مارچ په ۲۰، ۲۰۲۶ سینما ته راشي.
