افغان ابدالیان د اسیا ایمیرجنګ اتلولۍ سره هیواد ته را ستانه شول

د افغانستان د کرکټ الف لوبډله افغان ابدالیان د اسیا ایمرجینګ جام له اتلولۍ ورسته نن سهار هیواد ته راستانه شول.

د کرکټ بورډ مسولینو د کابل په هوایي ډګر کې د ابدالیانو هرکلی وکړو.

افغان ابدالیانو یکشنبه په پایلوبه کې شریلنکا ته په ماتې ورکولو په لومړي ځل د اسیا ایمیرجنګ جام اتلولي په خپل نوم کړه.

ددغه سیالیو غوره لوبغاړی افغان توپوهونکی صدیق اتل اعلان شو.