د بیګ باش ګډونوالې ثنا سلطان په مدینه منوره کې واده وکړو
هندي فلمي لوبغاړې ثنا سلطان چې د هند مشهور ریالیټ شو ‘بیګ باس کې یې برخه اخیستې وه، له محمد واجد سره واده کړی دی.
د این ډي ټي وي د راپور له مخې، د دغه فلمي لوبغاړې او د ټولنیزو رسنیو فعالې ثنا سلطان د واده مراسم په مدینه منوره کې ترسره شوي، چې عکسونه یې په ټولنیزو رسنیو کې خپاره شوي دي.
راپورنه وایي چې د سعودي عربستان په مدینه منوره کې د واده مراسم محدود وو، چې د ثناء او واجد څو نږدې کسانو پکې ګډون کړی و.
ثنا سلطان په خپل انسټاګرام کې د اوږده کیپشن سره د خپل واده د مراسمو انځورونه شریک کړي.
اداکارې په پوسټ کې د خپل مېړه په اړه ډېر معلومات نه دي ورکړي خو په څو لفظونو کې یې خپله خوښي څرګنده کړې ده.
ثنا سلطان په خپل کیپشن کې لیکلي دي چې:« الحمدلله! زه په عاجزۍ او خوښۍ سره شریکوم چې ما د مدینې منورې په څیر په پاک او سپیڅلي ځای کې د خپل واجد جی سره د واده کولو شرف ترلاسه کړ».
ثنا زیاتوي چې له ملګري څخه د ژوند ملګري ته زموږ سفر د مینې، صبر او باور ثبوت دی.
له دې اعلان وروسته ثنا سلطان ته د خپلو ملګرو او مینه والو لخوا د مبارکۍ ورکولو لړۍ دوام لري.
د دې ترڅنګ ګڼو مشهورو شخصیتونو هم نوموړې ته د هغې د واده مبارکي ویلې ده.
