د چمپینز ټرافۍ احتمالي مهال ویش اعلان شو

سرچینې وایي، ټاکل شوې، د پاکستان په کوربتوب د چمپینز ټرافۍ لوبې د فرورۍ په ۱۹مه د کوربه پاکستان او نیوزلینډ په لوبې سره کراچۍ کې پیل شي.

دغه راز به د فرورۍ په ۲۳مه د هند او پاکستان لوبه په درېیم هېواد چې اټکل کیږي، متحده عربي امارات به وی، ترسره شي.

د سرچینو د معلوماتو له مخې، د چمپینز ټرافۍ پیلیز مراسم په دوبۍ کې د فرورۍ له له ۱۲مې څخه تر ۱۸مې نیټې پورې ترسره شي، چې په کې د لوبډلو ورتګ او تمرینات هم شامل دي.

له دې وړاندې د سرچینو په حواله ویل شوي وو چې د آی سي سي چمپینز ټرافي د بې طرفه ځای په اړه مسلې د ټولو اړخونو ترمنځ هوکړې ته رسېدلي او ښايي دوبۍ به درېیم هېواد په توګه ډېر ژر په رسمي ډول اعلان شي.