لوبې
د جنوبي افریقا سوداګریز لیګ نن پیلېږي
کابل ټيليګراف (د مرغومې ۲۰مه– ۱۴۰۳ لمريز)
د جنوبي افریقا د ۲۰۲۵م کال سوداګریز لیګ نن شپه اته بجې د راشد خان تر کپتانۍ لاندې د MI Cape town او سنرایزرز لوبډلو ترمنځ په لوبې سره پیلیږي.
راشد خان سره په لوبډله کې افغان لوبغاړی عظمت الله عمرزی او ځوان توپ وهونکی صدیق اتل هم ملګري دي.
د دغه سیالیو په ډربن سوپر جاینټس لوبډله کې نوین الحق او نور احمد لوبیږي، دغه راز رحمان الله ګربز به د پریټوریا کپیټلز په لوبډله کې ولوبیږي.
افغان مشهور سپین توپ اچونکی مجیب الرحمن په پارال رایلز لوبډله کې لوبیږي.
