د ټیک ټاک وروسته د چین یوه بل نوي اپلکېشن د امریکا د ټېکنالوژۍ بازار ګډوډ کړی

کابل ټيليګراف (سلواغې ۹مه– ۱۴۰۳ لمريز) 

د را پورونو له مخې؛ د Chat GPT په ډول د چین هېواد نوی اپلکېشن Deep seek په کم وخت کې امریکا، چین، اروپا او ګڼو نورو هېوادونو کې د میلیونونو کسانو لخوا کارول شوی او د متن لیکلو په برخه کې ترې ګټه اخیستل پیل شوي.

د چین لخوا د دغه اپلکېشن بازار ته وړاندې کېدو وروسته په یادو هېوادونو کې د امریکایي ټېکنالوژۍ بازار خراب کړی او کارونکي یې په بې سارې ډول کم شويږ

په ورته وخت کې د امریکایي شرکت انوېډیا، چې پرمختللي پروسېسرونه تولیدوي او په مصنوعي هوش کې کارول کېږي، پرون یې په بازار کې د پنځه سوه میلیارده ډالرو په اندازه ارزښت له لاسه ورکړی.

د دغه نوي چینایي اپلېکېشن له کبله په نړیوالو بازارونو کې د ټېکنالوژۍ د ځینو نورو لویو شرکتونو سهامونه هم راښکته شوي دي.

دیپ‌سیک وايي چې خپل اپلېکېشن یې په خورا کم لګښت سره پیل کړی او له خپلو لویدیځو سیالانو سره د کم پروسس ځواک ته اړتیا لري.