لوبې
کورنی کرکټ: میوند اتلانو په ۲۹ منډو هندوکش سټرایکرز ته ماتې ورکړه
په فرسټ کلاس سیالیو کې میوند اتلانو کرکټ لوبډلې د هندوکش سټرایکرز لوبډلې ته ماتې ورکړې.
کرکټ بورډ په خپله فیسبوک پاڼه لیکلي، د اتصالات احمدشاه ابدالي فرسټ کلاس اووم پړاو څلور ورځنۍ سیالۍ چې د ننګرهار ولایت په کوربتوب روانې دي، د میوند اتلانو یې په پنځمه لوبه کې د هندوکش سټرایکرز لوبډلې ته د ۲۹ منډو په توپیر سره ماتې ورکړه او په روانو لوبو کې یې په پرلپسې ډول دریمه بریا په خپل نوم کړه.
میوند اتلانو له دې وړاندې د پامیر لیجنډز او ماهیپر ستوري لوبډلو ته هم ماتې ورکړې وې.
