افغان نوولس کلنې کرکټ لوبډلې په ۵۰ اوریزه لوبه کې کې له نيپال ماتې وخوړه

د افغانستان کرکټ د ۱۹ کلنې لوبډلې لوبغاړو د اسیا پنځوس اوریز جام په لړ کې له نيپال لوبډلې ماتې وخوړله.

د افغانستان نوولس کلنې کم عمره کرکټ ملي لوبډلې نن د اسیا جام سیالیو په ترڅ کې د خپلې وروستۍ لوبې په لومړۍ پاڼۍ کې د خپلو ټولو لوبغاړو په زیان سره ۱۲۳ منډې جوړې کړې او سیالې نیپال لوبډلې ته یې د ۱۲۴ منډو هدف وټاکه.

د افغان لوبډلې په ګټه فیصل خان شینوزاده ۵۲ منډې جوړې کړې.
د افغانستان نوولس کلنې کرکټ ملي لوبډلې د خپلو ۱۲۴ منډو هدف په دفاع کې خورا ښه توپ اچونه وکړه او د سیالې لوبډلې ۹ لوبغاړي یې له ډګره بهر کړل خو له بده مرغه، له هدفه یې دفاع ونکړی شوه او د یوې ویکټې په توپیر یې لوبه سیالې لوبډلې ته وبایلله.