ایران په دغه هېواد کې د واټساپ فعالیت ته اجازه ورکړه

کابل ټيليګراف (د مرغومي ۴مه – ۱۴۰۳ لمريز) د ایران حکومت اعلان وکړ، چې تر دې وروسته په دغه هېواد کې خلک کولی شي، په عادي ډول د واټساپ اپ وکاروي.

د ایراني رسنیو د معلوماتو له مخې؛ د دغه هېواد حکومت پرېکړه وکړه، چې تر دې وروسته به خلکو ته اجازه ورکړي، چې د واټساپ اپ ترڅنګ ګوګل پلی هم په عادي ډول اسعتمال کړي.

د یادونې وړده، له تیرو څو کالونو راهیسې په ایران کې د بهرنیو اپلکېشنو په کارولو بندیز لګیدلی، چې عام خلک یې د VPN په مرسته کاروي.

د ایران ولسمشر مسعود پزشکیان د ټاکنیزو کمپاینونو پر مهال له خلکو سره ژمنه کړې وه، چې یاد محدودیتونه به لمنځه یوسي.