ایا د دووم ۴ فلم لپاره د ابیشیک په ځای رنبیر کپور ټاکل شوی؟

په هندي سینما بالیوډ کې له یوې میاشتې راهیسې د دووم ۴ فلم د جوړلو په اړه مختلف اټکلونه شتون لري.

د راپورنو له مخې ددغه فلم د مرکزي رول لوبولو لپاره شاه روخ خان او رنبیر کپور مخکښ نوماندان دي.

د هندوستان ټایمز د راپور له مخې، داسې اټکل کیږي چې رنبیر کپور ظاهرا د دوم ۴ مرکزي رول لپاره ګمارل شوی چې په لنډمهاله توګه د “دووم ریلوډډ” نومیږي.

 دا هم ویل کیږي چې ابیشک بچن او اودې چوپړا د راتلونکي دووم څلور فلم برخه ندي.

ددغه فلمي لړۍ د مینه والو په ذهن کې ترټولو لویه پوښتنه دا ده چې ایا رنبیر به وکولی شي په یاد فلم کې کار به یې هغه ډول وي چې څنګه پکار دی؟.

په سوشیل میډیا د دووم فلمي لړۍ مینه والو عجیب او غریب نظرونه ورکړي او اکثرو یې ددغه فلم د ناکامۍ وړاندوینه کړې، مګر زیات شمیر داسې مینه وال هم شته چې په دغه فلمي لړۍ کې یې د رنبیر لوبول نوښت ګڼلی او ستایلی دی.

یو تعداد مینه والو بیا په دغه فلم کې د نورو فلمي لوبغاړو لکه رتیک روشن او جان ابراهیم لوبولو وړاندیز کړی.

که دا خبرونه رښتیا وي، نو Dhoom  ۴ فلم به د رنبیر کپور د راتلونکو فلمونو لیست کې یو په زړه پورې اضافه وي.

رنبیر کپور د خپل وروستي ننداره شوې فلم انیمل له بریا وروسته اوس د نتیش تیواري فلم رامیان لپاره په شوټینګ بوخت دی.