افغانستان له شل اوریزو وروسته زیمبابوې څخه د یوه ورځنیو لوبو لوبلړ هم وګاټه
کابل ټيليګراف (د مرغومي لومړۍ – ۱۴۰۳ لمريز)
افغانستان په درېیمه یوه ورځنۍ لوبه کې زیمبابوې ته په ۸ ویکټو ماتې ورکولو سره وتوانیده چې له کوربه زیمبابوې څخه د شل اوریزو لوبو وروسته د یوه ورځنیو لوبو سریز هم دوه صفر وګټي.
په درېیمه یوه ورځنۍ لوبه کې د زیمبابوې ټوله لوبډله په ۳۱م اور کې وسوزیده او افغانستان ته یې د ۱۲۸ منډو هدف وټاکه.
د افغانستان لخوا په توپ اچونه کې الله محمد غضنفر بهترینه توپ اچونه وکړه او ۵ لوبغاړي یې وسوزول، دغه راز راشد خان درې، فرید احمد ملک او عظمت الله عمرزي یو، یو لوبغاړی وسوزول.
د افغانستان د کرکټ ملي لوبډلې توپوهونکو د صدیق اتل په ۵۲ چټکو او د عبدالمالک په ۲۹ منډو کولو سره وتوانیدل چې زیمبابوې ته په ۸ ویکټو ماتې ورکړې او د درې یوه ورځنیو لوبو سریز دوه صفر پخپل نوم کړي.
په دغه لوبه کې الله محمد غضنفر د ۵ ویکټو په اخیستو سره د لوبې غوره لوبغاړی ونومول شو.
