هندي سینماګر (پرابهاس) د ۲۰۲۴ په جولاي کې له شاه رخ خان او سلمان خان ډېر مینوال درلودل

د  Ormax Media په نوم يوې هندۍ رسنۍ د بالیوډ سينماګرانو د مينوالو په اړه په جولاي مياشت کې يوه سروې ترسره کړې چې په کې د (پرابهاس) په نوم د هندي سينما لوبغاړی د باليوډ د دوو مخکښو ستورو شاه رخ خان او سلمان خان څخه لومړی مقام ګټلی دی.

دغې رسنۍ د (پرابهاس) د مينوالو د ډېرښت وجه د هغه د وروستي فلم (کالکي AD2898) کامیابه مخته تګ دی.

د معلوماتو له مخې، دغه فلم په هندي سينما کې ډېر شهرت پيدا کړی او مینوال يې له اټکل څو چنده زیات دي.

په دغه فلم کې د هندي سینما مخکښ ادا کار امیتابچهن او ډيپيکا پډوکون هم مرکزي رول لوبولی چې زیات لیدونکي يې درلودل.